وتەبێژی وەزارەتی دەرەوەی ئەمریکا رایدەگەیەنێت" هەموو رێکارێکمان گرتووەتەبەر بۆ پاراستنی هێزەکانمان لە عێراق و هەرێم".
ماتیۆ میلەر وتبێژی وەزارەتی دەرەوەی ئەمەریکا، ئەمڕۆ دووشەممە رایگەیاند" باڵیۆزخانەکەمان لە عێراق و کونسوڵخانەکەشمان لە هەولێر کراوەن و پابەندین بە رێککەوتنی ستراتیژی نێوانمان".
ماتیۆ میلەر وتیشی" نیگەرانین لە سەلامەتی هاوڵاتیان و ستاف و بەرژوەندییەکانی واشنتن، هەربۆیە بریارماندا ئەو ستاف و تیمانەی سەرەکی نین عێراق بەجێبهێڵن".
شەوی ڕابردوو وه‌زاره‌تی ده‌ره‌وه‌ی ئه‌مریكا لە بەیاننامەیەکدا پەیامێکی ئاڕاستەی کەسوکاری دیپلۆماتکار و بەشێک لەو کارمەندانەی سەرەکی نین کرد و ڕایگەیاند" بەزووترین کات عێراق بەجێبهێڵن و له رێگه‌ی فڕۆكه‌خانه‌ی نێوده‌وڵه‌تی به‌غداشەوە گه‌شت نه‌كه‌ن".