فێرناندۆ سانتۆس راهێنەری پێشووی پۆرتوگال نهێنی و ئاڵۆزییەکانی نێوان خۆی و رۆناڵدۆی لە یاریەکانی مۆندیالی٢٠٢٢ی قەتەر ئاشکرا کردوو رۆناڵدۆ بە باشترین ناودەبات.
ئەمە نوێترین چاوپێکەوتنی سانتۆسە پاش دوورخستنەوەی لە پۆرتوگال:
فێرناندۆ سانتۆس:
کریستیانۆ باشترین یاریزانە لە مێژوودا.
فێرناندۆ سانتۆس:
پێم وابوو باشترین بڕیار بوو [کریستیانۆم خستە سەر کورسی یەدەگ ] چونکە یارییەکەی بەرامبەر سویسرا ئەوەندە باش بەڕێوەچوو کە لە یاری داهاتوودا گۆڕانکاریمان لە پێکهاتەکە هیچ مانایەکی نەبوو، ئەگەر بەرامبەر مەغریب سەرکەوتنمان تۆمار بکردایە ڕەنگە کریستیانۆ بەرامبەر فەرەنسا سەرەکی بووایە”.
فێرناندۆ سانتۆس:
"من لە ئازارەکانی کریستیانۆ ڕۆناڵدۆ تێدەگەم، چونکە ئەو ئەمەی لەگەڵ کردم، منیش بە هاوڕێیەکی گەورەی خۆی دەزانێت".
فێرناندۆ سانتۆس:
- دیسان باوەشم بەڕووی کریستیانۆدا کراوەیە، بۆ ئەوەی پەیوەندییەکەمان وەک جاران بەهێز بێت.
فێرناندۆ سانتۆس:
"لە دوای مۆندیالی قەتەرەوە من و کریستیانۆ قسەمان لەگەڵ یەکتر نەکردووە”.
فێرناندۆ سانتۆس:
من دڵتەنگم، بەڵام پێموایە ڕۆژێک دێت یەکتر دەبینین، من و کریستیانۆش سەیری یەکتر دەکەین و بیر دەکەینەوە و دەڵێین 'هەمیشە ئەم پەیوەندیی بەهێزەمان هەبووە' و هیچ پەشیمانییەک لەلای منەوە نییە. تێدەگەم کە ئەو لەو کاتەدا لەلایەن منەوە ئازاری پێدرابوو، تێدەگەم کە ڕەنگە هێشتا ئازاری پێدرابێت. بەڵام ئەو پەیوەندییەی کە هەمانبوو تەنها پەیوەندییەک نەبوو. پەیوەندی من لەگەڵ کریستیانۆ بە هیچ شێوەیەک نەگۆڕاوە. هیوادارم ڕۆژێک بارودۆخی ئێستا بگۆڕێت. ئەگەر ئەوە ڕوونەدات، دەبێت سەبر بگرم”.
فێرناندۆ سانتۆس:
- دەبێت تۆزێک تێبگەیت، من تەنها وتم باشترینی جیهانە، بەڵام ساتێک لە ژیانی وەرزشیدا هەبوو کە زۆر قورس بوو، لە نیوەی دووەمی ساڵی ٢٠٢٢دا شەش مانگێکی ترسناکی بەسەر برد، تەنانەت لە ڕووی دەروونیشەوە. سەرەتا لەو کێشەیە دەست پێدەکات کە بەسەر ماڵەکەی و خێزانەکەیدا هات.” دوو مانگی بەبێ مەشق و ڕاهێنانی بەسەر برد، پاشان گەڕایەوە بۆ مانچستەر یونایتد، بەڵام یاری نەدەکرد، چونکە کەس وەک ئەو گرنگی بە جەستەی نادات”.
فێرناندۆ سانتۆس:
متمانەم بە کریستیانۆ وەک ساڵی ٢٠١٦ یە، هیچ شتێک نەگۆڕاوە، هەموو ئەوانەی لەوێ بوون باوەڕیان وابوو کە دەبینە پاڵەوانی جیهان، هەمیشە قەناعەتم هەبوو لە هەر ساتێکدا کریستیانۆ دەچێتە ناو یاریگا، ئەگەر پێویست بکات ئەویش بڕیار لەسەر یارییەکە دەدا”.
فێرناندۆ سانتۆس:
- پەیوەندییەکی زۆر بەهێزم لەگەڵ کریستیانۆ هەبوو، جگە لە پەیوەندییە پیشەگەرەکان، لە سپۆرتینگ یەکترمان ناسی کاتێک تەمەنی 19 ساڵ بوو، ئەم پەیوەندییە لەو ساتەوەختەی لە هەڵبژاردەی نیشتمانی یەکترمان بینی، بەهێزتر بوو، هەمیشە زۆر باش پێکەوە دەگونجا. نزیک بووین وەک باوک و کوڕ، یان برا." بۆ من باشترینە لە جیهان و مێژوودا”.