شارەزایەکی کەشناسی رایگەیاند" لە کۆتایی ئەم هەفتەیە و سەرەتای هەفتەی داهاتوو
دوو شەپۆلی جیاوازی بارانبارین سەرجەم ناوچەکانی هەرێم دەگرێتەوە و لە ناوچە شاخاوییە
سنوورییەکان بەفر دەبارێت".
ئەمڕۆ شەممە،٢ی کانونی یەکەمی ٢٠٢٣ هەڤاڵ
سدیق شارەزای کەشناسی لە لێدوانێکدا تەلەفزیۆنیدا رایگەیاند" لە کۆتایی ئەم هەفتەیە
و سەرەتای هەفتەی داهاتوو دوو شەپۆلی جیاوازی بارانبارین روو لە ناوچەکانی هەرێم دەکات
و سەرجەم ناوچەکانی هەرێم دەگرێتەوە".
راشیگەیاند" شەپۆلی دووەمی
بارانبارینەکە لە ئێوارەی رۆژی هەینییەوە دەستپێدەکات کە لە سەرجەم ناوچەکانی هەرێم بارانبارینی سەرتاسەری
دەبێت و تاوەکو درەنگانی شەوی یەکشەممە بەردەوام دەبێت".
ئەو شارەزایەی بواری کەشناسی
دەڵێت" پلەکانی گەرما زیاتر دادەبەزن و لە ناوچە شاخاوییە سنوورییەکان بەفر دەبارێت".