سەرۆک وەزیرانی عێراق رایدەگەیەنێت" هیچ بیانوویەک نەماوە بۆ مانەوەی هێزەکانی هاوپەیمانان و چوونە دەرەوەیان بۆ ئاسایشی وڵاتەکە گرنگە".
محەمەد شیاع سودانی سەرۆک وەزیرانی عێراق، له میانی بەڕێوەچوونی پانێلێكدا له کۆڕبەندی داڤۆسی سویسرا ڕایگەیاند" حکومەت و گەلی عێراق رێز لە هەڵوێستی نێودەوڵەتی دەگرێت کە بەشدارییان کرد لە لەناوبردنی تیرۆردا، بەڵام لە ئێستادا بیانووەکانی مانەوەی ئەو هێزانە کۆتاییهاتووە".
وتیشی" لە ئێستادا هێزه ئه‌منییه‌كان توانای پاراستنی وڵاتیان هه‌یه و له‌گه‌ڵ هاوپه‌یمانان كارده‌كه‌ین بۆ رێكخستنی كۆتاییهتنی ئه‌م ئه‌ركە، چونکە کۆتاییهاتنی ئەرکەکانیان گرنگە بۆ ئاسایشی عێراق".
سودانی جەختیشیکردەوە، تەنیا هەندێ چەکداری داعش لە ئەشکەوت و ناوچە دورەدەستەکان خۆیان دەشارنەوە و هێزە ئەمنییەکان دەستگیریان دەکەن.