نوسراوێكی پارێزگای كه‌ركوك كه واژۆی راكان جبوری له‌سه‌ره و ئاڕاسته‌ی سه‌رجه‌م ئه‌ندامانی ئه‌نجومه‌نی پارێزگاكه كراوه تێیدا هاتووە" کاتژمێر (٢:٠٠)ی پاشنیوەڕۆی ڕۆژی پێنج شەممە ١ی شوباتی ٢٠٢٤ یەکەم کۆبوونەوەی ئەنجوومەنی نوێی پارێزگای کەرکوک بەڕێوەدەچێت".
هەر لە نوسراوەکەدا راکان جبوری پارێزگاری بەوەکالەتی کەرکوک داواش لە ئەندامانی نوێیی ئەنجوومەنی پارێزگاکە دەکات ئامادەی کۆبوونەوەکە بن.
دوێنێ دووشه‌ممه بێجگە لە ڕاکان جبوری سه‌رجه‌م ئه‌ندامانی سه‌ركه‌وتوو بۆ ئه‌نجومه‌نی پارێزگای كه‌ركوك سوێندی یاساییان خوارد و وه‌كو ئه‌ندامانی نوێی ئه‌نجوومه‌نی پارێزگاکە ده‌ستبه‌كاربوون.