پەیەدە PYD روونکردنەوە دەدات و دەڵێت " ئەو دەنگوباسانەی هەندێک ئاژانس بڵاویدەکەنەوە کە گوایە بارەگای سەرکی یەکینەکانی پاراستنی گەل لە شاری کوبانی کەوتبێتە دەست داعش دوورە لە راستیەوە".
نوێنەری پەیەدە لەفەرەنسا خالد عیسی بە میدیاکانی راگەیاند ئەو زانیاریانە لەسەر گرتنی بارەگای یەکینەکانی پاراستنی گەل لەلایەن داعشەوە لەهەندێک ئاژانسی هەواڵ بڵاودەکرێنەوە "بێ بنەمایەو راست نین".
هاوکات بەرپرسی هەیئەی ئەرکانی یەگەپە لەکوبانی ناری ئافرینیش بە میدیاکانی نزیک پەیەدەی راگەیاند کە ئەو زانیاریانە دوورن لە راستیەوەو وتویەتی " شەڕەڤانان جوامێرانە دەجەنگن لەپێناو دەرکردنی داعشدا لەشاری کوبانی".