ئەمڕۆ شەممە نێچيرڤان بارزانى له كۆنفرانسى ئاساييشى ميونشن له ئهڵمانيا، لهگهڵ دهيڤد كاميرۆن وهزيرى دهرهوهى بهريتانيا كۆبووهوه.
بەپێی ڕاگەیەندراوێکی سەرۆکایەتی هەرێم، له كۆبوونهوهكهدا دهربارهى دوايين پێشهات و ئاڵنگارييه ئهمنييهكان له عێراق و ڕۆژههڵاتى ناوهڕاست، گفتوگۆى ههولێر ـ بهغدا بۆ چارهسهكردنى كێشهكانيان، ههڵبژاردن و دۆخى ناوخۆى ههرێمى كوردستان گفتوگۆيان كرد، هەروەها ههردوولا ديد و تێڕوانينى خۆيان لهسهر پێشهاته ئهمنييهكان و به ئامانجگرتنى هێزهكانى هاوپهيمانان له عێراق و كاردانهوهيان، شهڕ له غهززه و دۆخى شڵهژاوى ڕۆژههڵاتى ناوهڕاست خستهڕوو، لەوبارەیەوە جهختيان كردهوه كه تهشهنهسهندنى زياترى ئاڵۆزييهكان، مهترسى و ههڕهشهى جددى لهسهر سهقامگيري ناوچهكه دروست دهكات.
ئاماژە بەوەشکراوە، له تهوهرێكى ديكهى كۆبوونهوهكهدا، هاريكاری هاوبهشى بهريتانيا و هاوپهيمانى نێودهوڵهتى لهگهڵ عێراق و ههرێمى كوردستان، دۆخى ئهمنى و سياسى عێراق و ههرێمى كوردستان، مهترسييهكانى داعش لهسهر عێراق و سووريا و پرسى كۆچى ناياسايى، باسكران.