بەوتەی سەرچاوەیەكی ئەمنی چەكدارانی داعش گەیشتوونەتە نزیك فرۆكەخانەی بەغدا‌و لەگەڵ بەرگریی هێزە ئەمنییەكانی بەرەوڕوبووەتەوە.

بەشی عەرەبی كەناڵی ئاژانسی سكای نیوز، لەزاری سەرچاوەیەكی ئەمنی رایگەیاند: "شه‌ڕوپێكدادان له‌نێوان تیرۆریستانی داعش و هێزه‌ ئه‌منیه‌كان له‌ نزیك فڕۆكه‌خانه‌ی نێوده‌وڵه‌تی به‌غدا ده‌ستیپێكردووه‌،داوی بڵاوبوونه‌وه‌ی چه‌كدارانی داعش له‌و ناوچه‌یه‌‌و پشێوی كه‌وتۆته‌ نێو هێزه‌ ئه‌منیه‌كان و به‌شێویه‌كی به‌ربڵاو له‌ شه‌قام و رێگا سه‌ره‌كیه‌كانی ناوشاری به‌غدا بڵاوه‌یان پێكراوه‌.

به‌پێی هه‌واڵه‌كه هێزه‌ ئه‌منیه‌كان 3 ده‌روازه‌یان له‌كۆی 4 ده‌روازه‌ داخستووه‌ كه‌ ده‌چێته‌وه‌ سه‌ر ناوچه‌ی سه‌وزی به‌غدا، هه‌روه‌ك هه‌ردوو به‌ری كه‌رخ و رسافه‌یان له‌ ناوشاری به‌غدا  له‌یه‌ك جیاكردۆته‌وه‌ به‌داخستنی پرده‌كانی نێوان هه‌ردوو به‌ری به‌غدا.
ئه‌مه‌ له‌کاتێکدایه‌ که‌ به‌رپرسه‌ ئه‌منییه‌کان و چه‌ندین سه‌رچاوه‌ی تر هه‌واڵه‌که‌یان به‌درۆخسته‌وه‌.