بەیانی ئەمڕۆ شەممە ٤ ی ئایار لەگەڵ کردنەوەی بازاڕی نەوت لە رۆژهەلآتی ئاسیا هەردوو جۆری نەوت؛ برنت و خاوی ئەمەریکی دابەزینی بەرچاویان بەخۆوە بینی.

نرخی یەک بەرمیل نەوتی برنت لە ئێستادا بە ٨٢ دۆلار و ٨ سەنت مامەڵەی پێوە دەکرێت، دوێنێ لە کاتی داخستندا بە ٨٣ دۆلار و ٦٧ سەنت بوو.

نرخی یەک بەرمیل نەوتی خاوی ئەمەریکی بە ٧٧ دۆلار و ٩٩ سەنت مامەڵەی پێوە دەکرێت، لە کاتێکدا دوێنێ کاتی داخستن نرخەکەی بە ٧٨ دۆلار و ٩٥ سەنت بوو.

لە ماوەی سێ مانگی رابردوودا هیچ هەفتەیەک هێندەی ئەم هەفتەیەی پێشوو لە سەر ئاستی جیهانی نرخی نەوت دانەبەزیووە، لێكۆڵەران هۆکارەکەی دەگەرێنەوە بۆ نرخی سوو لە وڵاتە یەکگرتووەکانی ئەمەریکا.