لەسەر ئەركی گروپی كۆمپانیاكانی قەیوان لە رێوەڕەسمێكدا بەردی بناغەی چەند ناوەندێكی پەروەردەیی لەشاری سلێمانی دانرا‌و ناوەندێكی پەروەردەییش كرایەوە.

لەرێورەسمەكەدا هەریەك لە پشتیوان سادق، وه‌زیری په‌روه‌رده‌ی هه‌رێمی كوردستان و به‌هرۆز محه‌مه‌د ساڵح پارێزگاری سلێمانی و د. ئاسۆ فه‌ریدون كاندیدی هه‌ڵبژێدراو بۆ  پارێزگاری سلێمانی و د. هه‌ڤاڵ ئه‌بو به‌كر، سه‌رۆكی ئه‌نجومه‌نی پارێزگای سلێمانی و ژماره‌یه‌كی به‌رچاو له‌ به‌رێوه‌به‌ره‌ گشتییه‌كانی سلێمانی و لێپرسراوانی حكومی و مامۆستایان و شاره‌زایانی بواری په‌روه‌رده‌ بەشدارییانكرد.

له‌و مه‌راسیمه‌دا به‌ڕێوه‌به‌ری گروپی كۆمپانیانی قه‌یوان له‌ وتارێكدا رایگه‌یاند: كۆمپانیاكه‌یان شه‌ش ناوه‌ندی په‌روه‌رده‌ی له‌سه‌ر ئه‌ركی خۆیان بونیادناوه‌و به‌رده‌وامیش ده‌بن له‌سه‌ر ئه‌و رێچكه‌یه‌.