لەسەر پرسی سەرۆکی هەرێم بارزانی پێشتر داوای سازدانی نێوان حیزبەکان دەکرد، ئەمڕۆ لەبەردەم پێشمەرگەدا وتی" گەل بڕیاری کۆتایی دەدات".
لەكاتی بهسهركردنهوهی سهنگهرهكانی پێشهوهی شهڕ له میحوهرهكانی باشوور و رۆژئاوای كهركووك و مهخموور و گوێڕ بارزانی بەبێ ئەوەی راستەوخۆ باسی پرسی "سەرۆکی هەرێم" بکات، بەناراستەوخۆ رایگەیاند: گەل سەرچاوەی دەسەڵاتە و، دوا بڕیاریش لای گەلە و حزبەکان ئامرازن بۆ خزمەتکردنی گەلەکەمان و بەرژەوەندیی باڵای گەل و نیشتیمان لە سەرووی هەموو شتێکەوەیە و وێڕای جیاوازیی لە بۆچوونەکان و ئەگەر ناکۆکییەکیش هەبێت، ئەوە گەل بڕیاری کۆتایی دەدات نەک حزبێک.
لە کۆبوونەوەیەکی لەگەڵ فەرماندەکانی پێشمەرگە بارزانی وتی: گەلەکەمان قوربانی زۆری داوە و پێویستە کۆتایی بە نەهامەتییەکانی بێت و ڕایگەیاند کە دەبێ بەدەستی خۆمان ئەو مافە وەدەست بهێنین و چاوەڕێی هیچ لایەک نەکەین، جەختیشی کردەوە كە یەکڕیزیی هێزی پێشمەرگە و تێكەڵبوونی خوێنی پێشمەرگەكانمان لە سەنگەری بەرگری بنەمای یەكڕیزیی گەلەكەمانە و دەبێ ئەوە بۆ سیاسییەكانیش وەك ڕێگە پێشاندەرێك بێت بۆ یەكڕیزی و برایەتی و بە هیچ شێوەیەكیش نابێ بارودۆخی سیاسیی و ناوخۆیی كوردستان كاریگەریی لە سەر پێشمەرگە هەبێت.
ئەمڕۆ هەینی، ٧/١٧بارزانی بە مەبەستی پیرۆزبایی جەژن و ئاگاداربوون لە بارودۆخی هێزی پێشمەرگە و بەسەركردنەوەی بەرەكانی شەڕ، سەردانی هەرسێ میحوەری مەخموور-گوێڕ و باشوور و ڕۆژئاوای کەرکووکی کرد.