لەکاتێکدا کۆبوونەوەی پێنج لایەنەکە رۆژی ٨/٣١ بڕیاریان دا کە شەڕی راگەیاندن رابگرن، کەچی کادیری پێشکەوتووی پارتی عەبدولرەزاق عەلی لە وتارێکدا بەناونیشانی " نەوشیروان و سیستمی ویلایەت " هێرشێکی توند دەکاتە سەر رێکخەری گشتی بزووتنەوەی گۆڕان، نەوشیروان مستەفاو، سەرۆکی پەرلەمان د. یوسف محەمەدو، ئەمیری کۆمەڵی ئیسلامی عەلی باپیر.

لەو وتارەدا عەبدولرەزاق عەلی دەڵێت " یەك لە گرێكانی نەوشیروان مستەفا، ساڵانێكە دەیەوێت بە ناهەق خۆی لێ دەرباز بكات ئەوەیە كە بە ئەندازیاری شەڕی براكوژی ناسراوە. ساڵانی ڕابردوو زۆری هەوڵ دا، بەتایبەتی پارتی قەناعەت پێ بكات، ئەوە تۆمەتە نەك ڕاستیی، مەرایی زۆریشی كرد، وەلێ هەموو هەڵوێستەكانی، نەخاسمە لەم قەیرانەی دواییدا، نەك هەر پێچەوانەی ئەو هەوڵانەی بوون، بگرە ڕاستوڕەوانی هەڵوێستی پارتییەكان و شیوعییەكان و سۆشیالیستەكان و خەڵكانی تری كوردستانیان بەزیادەوە سەلماندەوە".

هەروەها ناوبراو دەڵێت" یەك لە گرێكانی نەوشیروان مستەفا، ساڵانێكە دەیەوێت بە ناهەق خۆی لێ دەرباز بكات ئەوەیە كە بە ئەندازیاری شەڕی براكوژی ناسراوە. ساڵانی ڕابردوو زۆری هەوڵ دا، بەتایبەتی پارتی قەناعەت پێ بكات، ئەوە تۆمەتە نەك ڕاستیی، مەرایی زۆریشی كرد، وەلێ هەموو هەڵوێستەكانی، نەخاسمە لەم قەیرانەی دواییدا، نەك هەر پێچەوانەی ئەو هەوڵانەی بوون، بگرە ڕاستوڕەوانی هەڵوێستی پارتییەكان و شیوعییەكان و سۆشیالیستەكان و خەڵكانی تری كوردستانیان بەزیادەوە سەلماندەوە".

یەك لە گرێكانی نەوشیروان مستەفا، ساڵانێكە دەیەوێت بە ناهەق خۆی لێ دەرباز بكات ئەوەیە كە بە ئەندازیاری شەڕی براكوژی ناسراوە. ساڵانی ڕابردوو زۆری هەوڵ دا، بەتایبەتی پارتی قەناعەت پێ بكات، ئەوە تۆمەتە نەك ڕاستیی، مەرایی زۆریشی كرد، وەلێ هەموو هەڵوێستەكانی، نەخاسمە لەم قەیرانەی دواییدا، نەك هەر پێچەوانەی ئەو هەوڵانەی بوون، بگرە ڕاستوڕەوانی هەڵوێستی پارتییەكان و شیوعییەكان و سۆشیالیستەكان و خەڵكانی تری كوردستانیان بەزیادەوە سەلماندەوە.

ئەوەی نەوشیروان ئێستێ دەیكات، هەمان ئامانجی شەڕە نەگریسەكانی هەكاری و شارباژێر و قڕناقە و پشتئاشان و كەپكی حەمەدئاغای هەیە، وەلێ بە ناوی پەرلەمان و دیموكراسییەوە. ڕووداوەكانی ئەم دواییە دووپاتیان كردووە؛ ئەو ناوەی لە زەینی خەڵكی كوردستاندا لە بارەی نەوشیروانەوە چەسپیووە: ئەندازیاری شەڕی براكوژی، كاڵا بەقەد باڵایە.

ئەندازیاری شەڕی براكوژی، جلكێك نییە نەوشیروان لەبەر خۆی داكەنێت، كاژ نییە فڕێی بدات، ناوێكی مێژووكردە، تەنیا بە هەڵوێستی كردارەكی و ڕاستگۆیانە بیر خەڵك دەچێتەوە، نەك بە ئیدیعای دیموكراسییەت و مەدەنییەت، نەك بە شایەتی كۆمەڵێك خۆ بەڕۆشنیرزان و باشكاتبی ماستاوچی و تەكبیرچی سەر مێزەكانی ئێوارانی گردەكە. ئەوانەی هەموو توانای خۆیان خستووەتە گەڕ و هەموو ناهەقییەك دەكەن تا بیسەلمێنن، بتەكەی ئەوان دەیپەرستن ڕاستە و خەڵكی تر هەموویان هەڵەن.

ئەوە بۆیە زۆر لەسەر ئەو بەناو ڕۆشنبیرانە دەوەستم، چونكە دەبیستینەوە، نەوشیروان، لە مەجلیسی ئەواندا، چۆن چۆنی سووكایەتی بەهەموو دنیا دەكات بە برادەرەكانی خۆشییەوە، مەجلیسێكە، نەوشیروان تەنیا قسان دەكات، قسەی گەورە و ئیدیعای قەبە و تەنزیراتی ناواقیعی و پێشبینی ناڕاست بۆ ڕەوشی كوردستان و خۆنواندن وەك كەسێتییەكی (دیموكراسخوازی ئاشتیویستی دادپەروەری بێگەرد)، دانیشتووانیش؛ گوێگرگەلێكی بێدەنگی گوێلەمستی سەرلەقێن. دواتر دێن، قسە و ئیدیعاكانی دەكەنە نوسین و وەك وتار بە خەڵكی دەفرۆشنەوە.

تا نەڵێن، ئێمەومانانیش بە هەڵوێستێكی پێشوەختەوە قسان لە بارەی نەوشیروانەوە دەكەین، لە ڕابردوو دەگەڕێین و باسی ئەمڕۆ دەكەین، لەو باسەشدا تەنیا لە ئاست دوو پرسدا هەڵوێستەیەك دەكەین. ڕەوشی ئێستێی كوردستان بە بەراورد لەگەڵ ڕۆژانی یەكەمی پەلامارەكانی تیرۆریستانی داعش. خاڵی دووەم، ئەو سیستمە پەرلەمانییەی، بووەتە وێردی سەرزمانی نەوشیروان و لایەنگرانی، پاشكۆكانیشی كردوویانەتە قەوان.

دیمەنەكانی ساڵی پار، كاتێك داعش پەلاماری شنگالی دا و دواتر شەڕ هەموو سنوورەكانی هەرێمی كوردستانی گرتەوە، بێننەوە بەرچاوتان و بزانن چۆن هەموو كوردستان، یەكدڵ و یەكدەست و یەكهەڵوێست بووین، ئەدی ئێستێ، لە كاتێكدا شەڕ و خەتەری داعش لە پار زۆرتر نەبێت كەمتر نییە؟ بەڕاست كێ ئەم ڕەوشەی دروست كرد؟ كێ وای كرد یەك حزب لەگەڵ ئەوی تر تەبا نییە، متمانەی نێوان هێزە سیاسییەكانی كوردستان سفرە، خەڵكی كوردستان زۆر بێتاقەت و ماندوون، گەنجانمان بە لێشاو وڵات جێدێڵن، یەك پێكهاتەی كوردستان لە خۆی و ژیان و كەرامەتی دڵنیا نییە، درووشمی مامۆستایان و فەرمانبەرانی لە: سەربەرزمان بۆ مووچە نەوی ناكەین - ەوە، گۆڕی بۆ مانگرتن و بایكۆت و داڕماندنی تێكڕای دامەزراوەكانی دەوڵەت؟ مەگەر نەوشیروان خۆی شانازی بەم شتانەوە ناكات؟ خۆی نەبووەتە كەواسووری پێش لەشكری داڕووخانی كوردستان و دامەزراوەكانی دەوڵەتداریی، ورەی پێشمەرگە و خەڵكەكەی، سووككردنی هەموو شتێك، تێپەڕاندنی هەموو هێڵە سوورەكانی نەتەوەیی و نیشتیمانیی؟

دەزانن، ئەو سیستمە پەرلەمانییەی نەوشیروان مستەفا داوای دەكات چۆنە و چییە؟ هەموو دەسەڵات بكەوێتە دەست كۆمەڵێك هەرزەپەرلەمانتاری خۆنوێن، نەوشیروان چی ویست ئەوە بكەن، كێی ویست پەلاماری بدەن، كام دامەزراوە نیشتیمانیی و بەپارێزە، سووك و ڕیسوای بكەن، سەرۆكی وڵات و سەرۆك پەرلەمان و سەرۆك وەزیران، ئێواران داوای بینین و مەشوورەت و فەرمانی جەنابیان بكەن، كێ بەقسەی كرد، سەلامەتە، كێ لە قسەی دەرچوو تێی بەربن. نەوشیروان، سەرۆك و پەرلەمان و وەزیر و دامەزاروەی ناوێت، شاگرد و بەردەستی گەرەكە. دەوڵەت و دامەزراوە و یاسا و ڕێسای ناوێت، گوندێكی دەوێت خۆی كوێخای بێت. كەسانێكی قبووڵە وەك ئەم بەناو سەرۆك پەرلەمانەی ئێستێ، كزۆڵە و سەلار، فەرمانەكانی ڕابەری گردەكە بێ چەندوچۆن جێبەجێ بكات و نەوێرێت بێ ئەو پەنجە بەئاودا بكات. گەلی ناوێت ڕەعییەتی پێویستە. چاوی ڕۆشنبیریی ڕاستەقینە نابینێت، لە حزوری باشكاتبە دەستەونەزەرە عیلمانییە تەكبیرچییەكاندا هەست بە بوونی خۆی دەكات.

رۆشنبیرێكی ناسراوی ئەم وڵاتە، جوانی پێكا كاتێك باسی مێژووی سیاسی و گرێ دەروونییەكانی نەوشیروان مستەفامان دەكرد گوتی: ئەو ڕستەیەی ئەنگۆ دەبێژن: نەوشیروان گرێی مێژوویی هەیە بۆیە كوردستانی تێكداوە، ڕستەیەكی تەواو نییە. ڕاستە تەواوەكە ئەوەیە: نەوشیروان نەك بەگرێ مێژوویی و كۆنەقینەوە سیاسەت دەكات، بەڵكو گرێی داهاتووشی هەیە.

ئەو سیستمەی نەوشیروان مستەفا و پاشكۆكانی بانگەشەی بۆ دەكەن، سیستمی پەرلەمانی نییە، سیستمی ویلایەتی فەقیهە. ویلایەتی فەقیهیش برێتییە لەوەی؛ جەنابیان(نەوشیروان و عەلی باپیر وەك نموونە) ببنە وەلی و ڕابەری باڵا، ئەم خەڵكەش داماو و سەركز بەگوێیان بكەن. سیمای دیاری ئەم سیستمە ئەوەیە، ڕابەری باڵا، وەلی، باڵاترین و دەستڕۆیشتووترین كەسە، یەك زەڕە بەرپرسیارێتیشی نییە. هەموو شتێكە و لە كاتی بەرپرسیارێتیدا هیچ شتێك نییە. پەرلەمان و حكوومەت و سەرۆك و هەمووان ئەگەر باشیان كرد، ئەوە هی جەنابی وەلییە، ئەگەر خراپیشیان كرد ئەوە هی خۆیانە و جەنابی وەلی لێیان بێبەرییە. سەرەتای خۆپێشاندانەكانی خەڵكی لیبیا لە دژی ڕێژیمی موعەمەر قەزافی، خەڵكەكە هاواری (ارحل)یان دەكرد، پاش چەند ڕۆژێك، قەزافی، هاتە سەر تەلەڤیزیۆن و گوتی: باوەڕ ناكەم خەڵكەكە مەبەستیان من بێت، خۆ من هیچ نیم تا بڕۆم. قەزافی دەیگوت: من (أخ القائد - براگەورە)م و هیچ پۆستێكی ڕەسمیم نییە، خۆ من سەرۆك نیم تا خەڵكەكە داوای ڕۆیشتنی من بكەن. ئەوەی نەوشیروان مستەفا و عەلی باپیر ئێستێ دەیكەن و كار بۆ چەسپینی دەكەن، هەمان شتە. ئەدی ئەوە نییە نەوشیروان لە گردەكە لێی دانیشتووە، هیچ بەرپرسیارێتییەكی دەوڵەتی و حكوومەتی نییە، كەچی هیچ شتێك لە نێو گۆڕان و ئەم وڵاتەدا بێ جەنابیان ناگوزەرێت؟ عەلی باپیر، كتێبێكی هەیە، هەر هەمووی زەم و ڕەخنەی سیستمی پەرلەمانی و كاری پەرلەمانییە، كەچی ئێستێ ئەو داوای (سیستمی پەرلەمانی) دەكات!! عەلی باپیر وەك بیروباوەڕ و نووسین، دیموكراسی بە بیدعەی ڕۆژئاوا و كاری پەرلەمانیی بە حەرام دەزانێت، ئێستێ بە شەش نەفەرەوە، گڕووی (سیستمی پەرلەمانی)مان لێ دەگرێت. ئەگەر عەلی باپیر تۆزقاڵێك ڕێزی دیموكراسی و پەرلەمانی بگرتایە، سۆران عومەری(خۆی چاكی دەناسێت) دەكردە ئەندام پەرلەمان؟