پەرلەمانتارێكی لیژنەی دارایی‌و كاروباری ئابوریی لە پەرلەمانی كوردستان ئاشكرایدەكات هەفتەی داهاتوو چەندین وەزارەت موچەی مانگ ئاب وەردەگرن.

مەدینە ئەیوب، پەرلەمانتارێكی لیژنەی دارایی‌و كاروباری ئابوریی لە پەرلەمانی كوردستان بە "تۆڕی هەواڵی سلێمانی" راگەیاند: بەپێی ئەو زانیارییانەی لەوەزارەتی دارایی و ئابوورییەوە دەستی کەوتووە، ھەفتەی داھاتوو موچەی ھەریەک لەوەزارەتەکانی ناوخۆ، کارو کاروباری کۆمەڵایەتی، کاروباری شەھیدان و ئەنفالکراوان، لەگەڵ ژمارەیەکی دەستە دابەشدەکرێت.

بەوتەی ئەو پەرلەمانتارە، ئەگەری ھەیە ھەر لەھەفتەی داھاتوودا چەند وەزارەتێکی تریش موچەی مانگی ئاب وەربگرن.
 
ھەر پەیوەست بەموچەی مانگی ھەشتی فەرمانبەران، مەدینە ئەیوب ئاشکرایکرد: لەماوەی دوو ھەفتەی داھاتوودا کۆتایی بەدابەشکردنی موچەی مانگی ھەشت دێت، کۆتا دەزگاش ھەرسێ سەرۆکایەتییەکەی ھەرێم دەبن کە موچەکانیان وەربگرن.