لەئەنجامی دوو تەقینەوە كە شەوی رابردوو لەشاری قامیشلو روویدا 47 هاوڵاتی مەدەنی شەهید‌و برینداربوون.

شه‌وی چوارشه‌ممه ‌30/12/2015، کاتژمێر 10:5 له‌شاری قامشلۆ دوو ته‌قینه‌وه‌ له‌رێگه‌ی چانتای بۆمبرێژکراوه‌وه‌ یه‌ک به‌داوی یه‌کدا روویدا و ژماره‌یه‌کی زۆری قوربانی لێکه‌وته‌وه‌.

ته‌قینه‌وه‌ی یه‌که‌م له‌به‌رده‌م چێشتخانه‌ی مه‌یامی له‌گه‌ڕه‌کی وه‌ستا و ته‌قینه‌وه‌ی دوومیش له‌به‌رده‌م چێشتخانه‌ی گابریل له‌سه‌ر رێگای گه‌شتیاری پێکهات.

سلێمان ئه‌حمه‌د، جێگری سه‌رۆکی ده‌سته‌ی ته‌ندروستی کانتۆنی جزیره‌‌، رایگه‌یاند، که‌ له‌ئه‌نجامی هه‌ردوو ته‌قینه‌وه‌که‌ هه‌ری که‌م 17 که‌س شه‌هید و 30 که‌سیش بریندار بوون.