ئەرشەد ساڵحی سەرۆكی بەرەی توركمانی ڕایگەیاند خەندەقەكانی هەرێمی كوردستان ئامادەسازیە بۆ دابەشكردنی عێراق.

هەرێمی كوردستان بە هاوكاری چەند كۆمپانیایەكی جیهانی سەرەمی لێدانی خەندەقێكە لە سنورەكانی كوردستان بە ناوچە دابڕاوەكانیشەوە و لە ڕێی مانگی دەستكردەوە سنورەكان دیاری كراون.

ئەرشەد ساڵحی لە بەیاننامەیەكدا نوسیویەتی" ئەم خەندەقە كارێكی تەواو گومانیە و سێ كۆمپانیای جیهانی ئەمریكی و بەریتانی و فەڕنسی لە ڕێگەی مانگی دەستكرد و سیتممی ( جی پی ئێس) سنورەكانیان كێشاوە لە ڕەبیعەوە تاوەكو قەزای دوزخورماتوو كە تێیدا قەزای ئامرلی دەركراوە و و واتر خەندەقەكە بەردەوام بوە بۆ ناوچەكانی دیالە تاوەكو قەزای خانەقین".

ئەرشەد ساڵحی دوپاتی دەكاتەوە كە ئامانجی خەندەكەی هەرێم ڕوون نیە و دەبێت حەیدەر عەبادی سەرۆك وەزیرانی عێراق لەسەری بێتە دەنگ.

وتیشی لەگەڵ دەستپێكردنەوەی دانیشتنەكانی ئەنجومەنی نوێنەران بە فەرمی ئەو باسە دەخەنە دانیشتنەكانەوە و هیچ پاساوێك نیە بۆ پاراستنی كەركوك بە بیانوی داعشەوە بەڵكو ئامادەكاریە بۆ دابەشكردنی عێراق و دەبێت لیژنەی بەرگری و ئاسایش لێكۆڵینەوەی جدی بكات لەوبارەیەوە".