كچە هونەرمەندی لاوی مەغریبی ئیبتسام تەسكات هێرشی توند دەكاتە سەر حەسەن شافعی.
ئیبتسام تەسكات لە چاوپێكەوتنێكیدا لە پرۆگرامێكی تەلەفزیۆنیدا، هێرش دەكاتە سەر حەسەن شافعی ئەندامی لیژنەی پرۆگرامی ئەرەب ئایدڵ و بە كەسێكی حەسود ناوی دەبات.
تەسكات بەشداری وەرزی دووەمی پرۆگرامی ئەرەب ئایدڵی كرد، بەڵام نەیتوانی بگاتە پرۆگرامە ڕاستەوخۆكان، دواتریش بەشداری وەرزی دەیەمی پرۆگرامی ستار ئەكادیمی كرد.
ئەو خانمە هونەرمەندە دەڵێت "حەسەن كەسێكی حەسودە و هیچ شتێك ناكات لە ڕەتكردنەوەی دەنگ زیاتر، لەكایتێكدا بەشێكی ئەو دەنگانەی ڕەتیدەكاتەوە زۆر ناوەزەن".