رێکخەری ژووری پەیوەندییە دیبلۆماسییەکانی بزوتنەوەی گۆڕان هەڵوێستی بزوتنەوەكەی لەسەر مەسەلەی ریفراندۆم راگەیاند.

محەمەد تۆفیق ڕەحیم رێکخەری ژووری پەیوەندییە دیبلۆماسییەکانی بزوتنەوەی گۆڕان، لەبارەی کۆبوونەوەیان لەگەڵ وەفدە باڵاکەی یەکێتی ئەوروپا و تاوتوێکردنی پرسی ڕیفراندۆم بۆ سەربەخۆی کوردستان، لەلێدوانێکدا بەتۆڕی هەواڵی سلێمانی ڕاگەیاند: لەو کۆبوونەوەیەدا بەھیچ شێوەیەک باس لەمەسەلەی ریفراندۆم و گشتی پرسی نەکراوە،  تەنھا بارودۆخی سیاسی و ئابووری ھەرێمیان تاوتوێکردوە، لەگەڵ رێگاچارەکان سەبارەت بەچۆنێتی چارەسەرکردنی قەیرانەکانی ھەرێم.

رێکخەری ژووری ژووری پەیوەندییە دیبلۆماسییەکانی بزوتنەوەی گۆڕان دیبلۆماسی بزوتنەوەی گۆڕان، ھەڵوێستی بزوتنەوەکەشیان لەسەر پرسی ڕیفراندۆم  ئاشکرادەکات و دەڵێت: وەک بزوتنەوەی گۆڕان لەگەڵ مەسەلەی ڕیفراندۆمداین.

وەفدێکی باڵای یەکێتی ئەوروپا و نوێنەر و کونسوڵی چەند وڵاتێکی یەکێتیەکە لەھەرێم، ماوەی چەند ڕۆژێکە دەورییەکی سەردانیان بۆلای لایەنە سیاسییەکانی ھەرێم دەستپێکردووە، یەکێک لەتەوەرەکان پرسی ڕیفراندۆم بووە کەلەگەڵ کۆمەڵ و یەکگرتوو و پارتی باسیانکردوە، ئەمیری کۆمەڵی ئیسلامیش ڕۆژی ٣١ی کانوونی دووەم دوای کۆبوونەوەی لەگەڵ وەفدەکە ئاماژەی بەوەدا کە پێیانڕاگەیاندوین لەگەڵ ڕیفراندۆمدانین لەئێستاداو پشتیوانی لەیەکپارچەی عیراق دەکەن