فرۆكە جەنگییەكانی توركیا درەنگانی شەوی رابردوو بۆ ماوەی چەند كاتژمێر گوندەكانی بناری قەندیلیان بۆردومان كردو لەو هێرشەدا نەخۆشخانەیەك بەركەوت.
لەئەنجامی ئەو بۆردومانانە زیانێكی زۆری مادی بەر هاوڵاتیانی ناوچەكە کەوت و تەنیا لە گوندی لێوژە 15 ماڵ رۆخاو نەخۆشخانەیەكیش زیانی بەرکەوت و چەندین سەر مەروماڵاتی هاوڵاتیانی ئەو گوندە تیاچوون، بەڵام بەخۆشییەوە هیچ زیانێكی گیانی نەبووە.
بۆردومانەکە لە کاتژمێر 12ی شەوی رابردوو دەستی پێکرد و بە وتەی سەرچاوە کوردیەکان 1 کاتژمیری خایاندوە، بەڵام میدیا عەربی و فارسییەکان دەڵین تا 4ی سەرلەبەیانی بەردەوام بووە.
هەواڵ و وێنەکان محەمەد گربداخی
گوندی لێوژە