دچارچوڤێ یاریێن خولا نایابا كوردستانێ ژ گەرا سیێ ژ قوناغا دووێ د گرنگترین یاریدا یانا گارە دناف عەردو جەماوەرێ خودا ب ئامادەبونا جەماوەرەكێ زور مێهڤانداریا یانا دهوك كر خودانا سەرێ لیستا كوما دووێ.
هەر ل دەستپێكا یاریێ هەردو یانە ب ئاستەكێ باش هاتنە دناف یاریگەهێ دا و هەر زوی دەست ب هێرشا هاتەكرن و چەند دەلیڤە ژ هەردوك یانا هاتنە بەرزەكرن هەتا خولەكا 16 ژ یاریێ پیشەكارێ یانا گارە جونیور شیا مفا ژ پاسا هەڤالێ خو جاسم محەمەد بینیت و گولا ئێكێ و پێشكەفتنێ بو یانا خو تومار بكەت ، پشتی ڤێ گولێ یاری پتر گەرم بو و بزاڤ هاتنە كرن ژ لایێ یاریكەرێن یانا دهوك ڤە بو توماركرنا وەكهەڤیێ بەلێ هەتا نیڤا ئێكێ ب دوماهیك هاتی ژ مەترسی لسەر گولا گارە دروست نەكر .
د نیڤا دووێ دا یانا گارە شیا پتر كونترولێ لسەر یاریێ بكەت و ئاستەكێ باشتر ژ دهوكێ پێش كێش بكەت و چەندین دولیڤێن گولێ یێن دروست بو چێبون لێ ژبەر پەهلەوانیا گولچیێ یانا دهوك زنار فەیزی هێرشێن وان سەر نەگرتن و نەشیان گولا دووێ تومار بكەن و بەرامبەری وێ یانا دهوك ئەو ئاستێ دهاتە چاڤەرێكرن پێش كێش نەكر و پتر پشت بەستن لسەر تەپێن بلند كر لەوما هەتا یاریی ب دوماهیك هاتی چ مەترسی لسەر گولا گارە دروست نەكر و دێربیا دهوكێ د بەرژەوەندیا یانا گارە دا بدوماهیك هات ب گولەكێ بەرامبەر چنە .
بڤێ خوسارەتیێ یانا دهوك سەرێ لیستا كوما دووێ ژدەست دا و ئێكەم خوسارەتیی لڤی وەرزی دای و یانا گارە بەردەوامی دا هەڤركی كرنا پلێتا دەربازبونێ
SPEE SPORT - KFA