له‌ تۆڕی کۆمه‌ڵایه‌تی فه‌یسبووک د. فایه‌ق گوڵپی له‌ نووسینێکدا به‌ناونیشانی" بۆ رێباز بیرکۆتی"وه‌ڵامی ئه‌و هێرشانه‌ ده‌داته‌وه‌ که‌ ئه‌و کادیره‌ی یه‌کێتی له‌کانێ کوردستان 24 کردوویه‌ته‌ سه‌ر په‌که‌که‌و لایه‌نگرانی و ده‌ڵێت" کاکی برا دوێنێ شەو لە بەرنامەی کەناڵی تەلەفزیۆنی کوردستان بیستوچوار٢٤ هەرەشەت لەو کەسانە کرد کە یارمەتی پ ک ک دەکەن و شەکرت شکاند و وتت دەبێت باجەکەی بدەن".

د. فایه‌ق گووڵپی ده‌ڵێت" راستەخۆ مەبەستت من و ئەو هەزاران کەسە نەتەوەییانە بو لە باشوری کوردستان،من دەزانم تۆ کێیت، تۆ ئەو کەسەیت بە جل و بەرگ و فیشەک و پارەی تورکیا هیرشت کردە سەر گەریلا، بەڵام بە سەری شکاو و هینی دراوەوە دەرچویت".منیش ئەو کەسەم کە باوکم ساڵی ١٩٦٣ بە خنجەر چوە سەردەبابە و دەبابەیەکی تر شەهیدی کرد".

گوڵپ ده‌ڵێت" وە خۆم لە سالی ١٩٨٢ تا راپەرین پزیشک و پێشمەرگە بوم، لە چەندان شەردا بەشداریم کردوە،خەلکی ترسنۆکم زۆر دیوە لە شەڕدا رایکردوە،وە لە ساڵی ١٩٩٧ من یارمەتی و پشتگیری پ ک ک دەکەم و حزبەکەی تۆ لە ئەندامی پەرلەمانی کوردستان دەریکردم، چەندان جار زیندانتان کردم بەڵام من کەسێکی بە ئیرادەم و لەسەر خەبات و پشتگیری پەکەکە بەردەوامم و بە قسەی کەسێکی .. وەک تۆ کۆلنادەم و لە رابوردوشدا حسابم بۆ قسەی لە تۆ ... نەکردوە. 

له‌ کۆتایی نووسینه‌که‌یدا د. فایه‌ق گووڵپی ده‌ڵێت" هیوادارم عاقل ببیت".
رێباز بیرکۆتی سه‌رۆکی لیستی یه‌کێتییه‌ له‌ ئه‌نجومه‌نی پارێزگای هه‌ولێر.