پاش نیوەرۆی ئەمرۆ میلیشیا شیعەكانی ناسراو بە حەشدی شەعبی بینای ئاسایشی پارتی دیموكراتیان لە خورماتو بۆردومان كرد.

لەمبارەیەوە بەڕێوبەری ئاسایشی خورماتوو راید (فاروق ئەحمەد) بە ماڵپەری فەرمیی پارتیی راگەیاند: لە ئەنجامی شەڕی نێوان حەشدی شەعبی و ھێزی پێشمەرگەدا، گولـلەھاوەنێک ئاراستەی بارەگای ئاسایشی ئێمە کراوە، بەوھۆیەوە ئەفسەرێک و دوو کارمەند بریندار بوونە.

وتیشی، "لەئێستادا تەقە وەستاوە و، لایەنی کورد و حەشدی شەعبی لەبارەی دۆخەکە لەئێستادا لە کۆبوونەوەدان، ئێمەیش چاوەڕێی ئەنجامەکەی دەکەین."

ئەمەش لەكاتێكدایە لە ئێستا فەرماندەكانی پیشمەرگە‌و حەشدی شەعبی لە خورماتو لەكۆبوونەوەدان.