ئۆفیسی كەركووكی كۆمیسیۆنی
باڵای سەربەخۆیی هەڵبژاردنەكان ژمارەیەک کارمەند بۆ هەڵبژاردنی ئەنجومەنی
پارێزگاکانی کەرکوک کە بڕیارە ساڵی ئایندە بەڕێوەبچێت دادەمەزرێنێت.
عەبدولباست شوانی، بەرپرسی
راگەیاندن و پەیوەندییە گشتییەكانی ئۆفیسی كەركووكی كۆمیسیۆنی باڵای سەربەخۆی
هەڵبژاردنەكان بە ڕووداوی راگەیاندووە "پێویستمان بە 131 كارمەندە بۆ
بنكەكانی نوێكردنەوەی تۆماری دەنگدەران و هەڵبژاردنی ئەنجوومەنی پارێزگاكان كە
ساڵی داهاتوو دەكرێت، بۆ ئەو مەبەستەش لەرۆژانی 10-7-2016 تا 17-7-2016 چاوپێكەوتن
لەگەڵ ئەو كەسانە دەكرێت كە دەیانەوێت وەكو گرێبەست كار بكەن".
تائێستا سێ جار هەڵبژاردنی
ئەنجوومەنی پارێزگاكان لە شارەكانی عێراق و هەرێمی کوردستان ئەنجامدراوە، بەڵام شاری كەركووك تەنها ساڵی 2005 هەڵبژاردنی تێدا كراوە.