ئەمڕۆ لە ئەنجامی تەقینەوەیەکدا
لە میحوەری خازر عەقیدێک شەهید بوو. چەمد پێشمەرگەیەکیش بیرندار بوون.
رائید جه‌مال به‌رواری، راگه‌یاند
"كاتژمێر 10:30 خوله‌كی پێشنیوه‌ڕۆی ئه‌مڕۆ بۆمبێكی چێندراوی چه‌كدارانی
رێكخراوی داعش له میحوه‌ری خازر به هێزه‌كانی پێشمه‌رگه‌دا ته‌قیوه‌ته‌وه".
ئەو فەرماندەیە ڕاشیگەیاندووە "له‌ئه‌نجامی ته‌قینه‌وه‌ی ئه‌و بۆمبه (عه‌قید
عه‌بدوڵا سیاری) فه‌رمانده له لیوای 12ی هێزه‌كانی پێشمه‌رگه‌ی كوردستان شه‌هیدبوو،
چوار پێشمه‌رگه تریش برینداربوون"
هەروەها عه‌مید میقداد
وائیل فه‌رمانده‌ی پێشمه‌رگه ڕایگەیاندووە "ته‌قینه‌وه‌كه له گوندی كه‌نهه‌شی
گه‌وره بووه‌و ئۆتۆمبێله‌كه‌ی عه‌قید عه‌بدوڵا به‌كاریگه‌ری ته‌قاندنه‌وه‌ی
ئۆتۆمبێلێكی گه‌وره‌ی داعش ته‌قیوه‌ته‌وه كه یه‌ك كیلۆمه‌تریش له‌یه‌ك دوور بوون".