گۆڤار ئەنوەر ئەكتەری ناوداری كۆمیدی هەولێر و بەرنامەی بەزمی بەزم لەیەكێك لە نەخۆشخانەكانی هەولێر نەشتەرگەرییەكی بەسەركەوتوویی بۆ كرا.
گۆڤار ئەنوەر بە ماڵپەڕی دوارۆژی راگەیاند "سوپاس بۆ خودا ئێوارەی دوێنی نەشتەرگەریم بۆ كرا و لە ئێستاشدا چارەسەر وەردەگرم و تەندروستیم باشە".
وتیشی "لەئێستادا لە نەخۆشخانە خەوێندراوم بەو هۆیەوە دوو هەفتەیە لە هەواداران و كارە هونەرییەكانم دوور دەكەومەوە چاوی هەموو هەواداران و هونەرمەند و هاورێیانم ماچ دەكەم كە لێیان پرسیوم".
گۆڤار ئەنوەر یەكێكە لە هونەرمەندە كۆمیدییەكانی هەولێر، ساڵی 1978 لە دایكبووە ساڵی 1993 دەستی بەكاری هونەری كردووەو لە دەیان شانۆ و دراماو فیلمی سینەمایی كوردی كارەكتەری جۆراوجۆری بەرجەستە كردووە.