شه‌ڕ له‌ناو شاری حه‌سه‌كه‌ له‌رۆژئاوای كوردستان له‌نێوان شه‌ڕڤانانی یه‌په‌گه‌ وئاسایشی رۆژ ئاوا له‌گه‌ڵ سوپای رژێمی سوریا به‌رده‌وامه‌ و ئه‌مەریكاش پشتیوانی سه‌ربازیی ره‌وانه‌ی سه‌ربازگه‌كه‌ی ده‌كات له‌نزیك ئه‌و شاره‌ .

روانگه‌ی سوریا بۆ مافه‌كانی مرۆڤ رایگه‌یاندوه‌، شه‌ڕ له‌هه‌ردوو ناوچه‌ی نه‌شوه‌و گوێران له‌باشوری رۆژهه‌ڵاتی شاری حه‌سه‌كه‌ به‌رده‌وامه‌ و شه‌ڕڤانانی كورد پێشڕه‌ویان كردوه‌ .

راشیگه‌یاندوه‌: له‌میانه‌ی ئه‌و شه‌ڕه‌دا ژماره‌یه‌ك هاووڵاتی مه‌ده‌نی شه‌هیدوبرینداربوون و هه‌زاران كه‌س ئاواره‌بوون .

باس لەوەش دەكات كە  ئه‌مەریكا هێزی پشتیوانی ره‌وانه‌ی سه‌ربازگه‌كه‌ی خۆی كردوه‌ كه‌به‌چه‌ند كیلۆمه‌ترێك له‌شاری حه‌سه‌كه‌وه‌ دووره‌و شه‌وی رابردووش فڕۆكه‌ جه‌نگیه‌كانی هاوپه‌یمانان به‌به‌رده‌وامی به‌ئاسمانی شاره‌كه‌دا سوڕاونه‌ته‌وه‌ .