هونەرمەندی لاو ئەحمەد خەلیل ناتوانێت كۆنترۆڵی ئەو پەیجی ئەكاونتانە بكات كە بەناوێوە كراونەتەوە.
ئەحمەد خەلیل لە پەیامێكی ڤیدیۆیدا ئاشكرای دەكات كە پەیجە و ئەكاونتێكی زۆر بەناوێوە كراوەتەوە كە كۆنترۆڵ ناكرێت، بەڵام ئەو خاوەنی تاكە پەیجێكە لە ئینستەگرام بە ناوی (ahmadxalilofficial)، كە كەسێكی نزیكی بەڕێوەی دەبات و خۆشی جار نا جارێك دەچێتە سەر ئەو پەیجە.
ئەو هونەرمەندە داوا لە هەوادارانی دەكات ئەو پەیجانەی دیكە (unfollow) بكەن چونكە ئەو لێیان بەرپرس نییە و ئاگاداری ئەو بابەتانە نییە كە لەو پەیجانەوە بڵاودەكرێتەوە.
ئەحمەد باس لەوەش دەكات كە كۆمەڵێك ئەكاونت لە فەیس بووك بەناوێوە كراوەتەوە، ئەمە جگە لەوەی ئەو بە هیچ جۆرێك سناپ چات بەكارناهێنێت.