لەنیا عەبدوڵای پێشكەشكاری دیاری (NRT2) دەستدەكاتەوە بە پێشكەشكردنی پرۆگرامەكەی لە چاڤی لاند.
لەنیا عەبدوڵا لە نوێترین كاریدا جارێكی دیكە پرۆگرامی ئێمە لە چاڤی لاند پێشكەش دەكاتەوە كە بە درێژایی مانگی ڕەمەزانی ڕابردوو پێشكەشی كردوو بینەرێكی زۆری بۆ خۆی كۆكردەوە.
پرۆگرامەكە لە یەكەم ڕۆژی مانگی داهاتوو پێشكەش دەكرێتەوە و لەئێستاشدا ئەو خانمە پێشكەشكارە ڕیكلامی پرۆگرامەكەی بڵاوكردۆتەوە كە تێیدا بە دوو ستایلی جیاوازی جلی كوردی مۆدێرنەوە دەردەكەوێت و هەدارانیشی سەسامی خۆیان بە دەرکەوتنەکەی دەربڕیوە. .
لەنیا عەبدوڵا ساڵی 1992 لە سلێمانی لەدایك بووە و لە چەند كەناڵێكی جیاواز كاری كردووە، ئێستاش یەكێكە لە پێشكەشكارە دیارەكانی كەناڵی(NRT2).