زۆرن ئەو كەسانەی كە بە دەست كێشەكانی پێست و بونی زیپكەوە دەناڵێنن، پسپۆڕانی بواری خۆراكی ئاماژە بە چەند میوەیەك دەكەن كە چارەسەری زیپكەی سەر پێست دەكەن.
بەڕای پسپۆڕەكان میوەكان بەهۆی دەوڵەمەندیان بە چەندین جۆری ڤیتامین و ماددەی خۆراكی و ماددەی دژە ئۆكسید، چەندین سودیان بۆ پێست هەیە و وادەكەن كە پێست بەشێوەیەكی جوان و تەندروست دەربكەوێت.
گرنگترین ئەو میوانەی سودیان بۆ پێست هەیە بریتین لە شیلك و هەنار و قۆخ و مۆز.
بەپێی توێژینەوەكان ئەو خۆراكانەی كە دەوڵەمەندن بە ترشە چەورییەكان یارمەتی نەرم كردنەوەی پێست دەدەن و وادەكەن پێست بە شێوەیەكی جوانتر دەركەوێت، گرنگترین ئەو خۆراكانەش كە دەوڵەمەندن بە ترشە چەوریەكان بریتین لە ماسییەكان بە گشتی و ماسی سەلەمون .