هێزەكانی پۆلیسی توركیا لە هێرشێكدا دوو سەرۆكی شارەوانی كوردی لەشارەكانی چەلێ‌و گەڤەر دەستگیركرد.

ئەمڕۆ شەممە پۆلیسی تورکیا جارێکی تر هەلمەتی ڕەشبگیری دەرهەق بە سەرۆک شارەوانییە ناوچە کوردییەکان ئەنجامدا و عادل کۆزای هاوسەرۆکی شارەوانی شارۆچکەی گەڤەری سەر بە جولەمێرگ و چەند کارمەندێکی نێو شارەوانییەکەی دەستگیرکرد.

هاوکات لە شارۆچکەی چەلێی سەربە جولەمێرگیش، هێزەکانی پۆلیس هەڵیانکوتایە سەر ماڵەکان و حیلال دوومان و سەرڤەت تونج، هاوسەرۆکانی شارەوانی شارۆچکەی چەلێ و جومهور ئەردەمیر، هاوسەرۆکی هەدەپەی شارۆچکەکە و ژمارەیەکی دیکە لە کارمەندانی شارەوانی و ئەندامانی هەدەپەیان دەستبەسەرکرد.

هەروەها پۆلیس بینای شارەوانییەکانی گەمارۆداوە و دەستی بەسەر ناوەندی شارەوانییەکاندا گرتووە.