هونەرمەندی باكوری كوردستان نیهات دۆگان لەسەر خراپی دۆخی هاوڵاتیانی حەلەب دێتە دەنگ و پرۆگرامێكی ڕاستەوخۆ دەوەستێنێت.
نیهات دۆگان لەكاتێكدا میوانی پرۆگرامێكی ڕاستەوخۆی كەناڵی بیازی توركی بووە، بە چاوی پڕ گریانەوە باس لە خراپی دۆخی هاوڵاتیانی حەلەب دەكات و ڕەخنە لە بێدەنگی وڵاتانی جیهانیش دەگرێت لەبەرامبەر ڕووداوەكانی ئەو شارە.
دۆگان دوا لە سەركردەكانی جیهان و توركیا دەكات بە هانای هاوڵاتیانی حەلەبەوە بچن و دەڵێت "با سوپای توركیا هێرش بكاتە سەر ئەو شارە و خەڵكەكەی ڕزگاری بكات.
لە كۆتاییدا ئەو هونەرمەندە پرۆگرامەكە جێدەهێڵێت ئاماژە بەوە دەكات كە ناتوانێت لە قسەكانی بەردەوام بێت و درێژە بە پرۆگرامەكە بدات.
گۆرایانەكەی ئەو هونەرمەندە كوردە دەنگدانەوەیەكی زۆری لە تۆڕە كۆمەڵایەتییەكاندا هەبووە سەرنجی جیهانی بۆ خۆی ڕاكێشاوە و كارەكەی بۆتە هەواڵی سەرەكی میدیا جیهانییەكان.
نیهات دۆگان كە كوردێكی باكوری كوردستانە، ساڵی 1976 لە ئیستەنبوڵ لەدایك بووە، ساڵی 1994 دەستی بە ئەنجامدانی كاری هونەری كردووە و بە یەكێك لە هونەرمەندە دیارە میلییەكانی توركیا دادەنرێت كە بە توركی گۆرانی دەڵێت.