مامۆستایانی ناڕازی هەڵوێستی خۆیان لەبارەی بایكۆتی خوێندنی ئەمساڵ راگەیاند
ئەنجومەنی مامۆستایانی نارازیی لە كۆنگرەیەكی رۆژنامەوانیدا هەڵوێستی خۆیان لە بارەی بایكۆتی خوێندنی ئەمساڵ ئاشكرا كرد و لەو بارەیەوە راگەیەندراوێكیان بۆ رای گشتی بڵاو كردەوە.
ئەمرۆ هەینی 16 ی 12 ی 2016 ئەنجومەنی مامۆستایانی نارازیی لە شاری سلێمانی كۆنگرەیەكی رۆژنامەییان ئەنجامدا و تیایدا راگەیەندراوێكیان لە بارەی بایكۆتی خوێندن بڵاو كردەوە.
ئەنجومەنی مامۆستایانی نارازی رای گشتی ئاگادار دەكەنەوە لە بەردەوامی بایكۆت و خەباتی مەدەنیانە ، تا ئەو كاتەی حكومەتی هەرێم داواكارییەكانیان بۆ جێبەجێدەكات ، هاوكات پركردنەوەی فۆرمیان بە مامۆستایان رەتكردەوە.
ئەنجومەنی مامۆستایانی نارازیی راشیانگەیاند كە رۆژی یەك شەممە 18 ی 12 ی 2016 لە بەردەم بینای پەروەردەی رۆژهەڵات خۆپیشاندان ئەنجام دەدەن.
PM:04:34:16/12/2016