وەزارەتی دارایی و ئابوری حکومەتی ھەرێم خشتەیەکی نوێی موچەی فەرمانبەران بڵاودەکرێتەوە و وادەی دابەشکردنی موچەی سەرجەم وەزارەتەکان ڕادەگەینرێت.

ماڵپەڕی ئێس ئێن ئێن بڵاویکردووەتەوە "ڕۆژی یەکشەممەی داھاتوو سەرەڕای ئەوەی پشووی فەرمییە، خشتەیەکی نوێ بۆ موچەی مانگی (١٠ – تشرینی یەکەم)ی ئەمساڵی فەرمانبەران بڵاودەکرێتەوەو وادەی دابەشکردنی موچەی سەرجەم وەزارەت و دامودەزگاکان رادەگەیەنرێت".

هەروەها ماڵپەڕەکە بڵاویکردووەتەوە "ئەوەش لەکاتێکدایە پێشتر لیوا بەختیار بابان ڕاوێژکاری سەربازی لەوەزارەتی ناوخۆی حکومەتی ھەرێم لەلێدوانێکدا بۆ SNN ی دەنگۆی دواخستنی موچەی وەزارەتی ناوخۆی لەساڵی ٢٠١٧ ڕەتکردەوەو ڕاگەیاندبوو: چاوەڕواندەکرێت لەڕۆژانی دوشەممە یان سێشەممە موچەکانمان پێبدەن".

هەروەها عەتا ئەحمەد جێگری سەرۆکی یەکێتی مامۆستایانیش وتبووی چاوەڕواندەکرێت ھەفتەی داھاتوو دەست بەدابەشکردنی موچەی وەزارەتی پەروەردە بکرێت.