وەزیری نەوتی ئێران، بێژەن زنگەنە بە سەردانێکی فەرمی سەردانی عێراق دەکات تا چەند رێکەوتنێک لەگەڵ بەغداد بکات، یەکێک لەو رێکەوتنانە راکێشانی بۆری نەوتی سلێمانی یە بۆ ئێرانە.
ئاژانسی " فارس" ی ئێرانی بڵاویکردەوە وەزیری نەوتی ئێران بە مەبەستی چەند رێککەوتنێکی نەوتی و غازی سەردانی عێراق دەکات.
بەپێی هەواڵی ئاژانسەکە زەنگەنە یەکێک لەو تەوەرانەی لەگەڵ لایەنی عێراقی باسی دەکات " بەرامبەری " کردنە لەنێوان هەرێم و ئێران لەبواری نەوت و بەرهەم نەوتیەکان و راکێشانی بۆری نەوت لە پارێزگای سلێمانیەوە بۆ ناو خاکی ئێران.
پێشبینیش دەکرێت زەنگە رێککەوتنێک لەسەر ناردنی نەوتی بەسرە بۆ پاڵاوگەکانی " عەبادان " لەگەڵ لایەنی عێراقی بکات، هاوکات بۆریەکی بەرهەمە نەوتیەکان لە عەبادانەوە رابکێشرێت بۆ بەسرە.
هاوکات گفتوگۆ لەسەر ئەو پرۆژەیەی نێوان بەغداو تاران دەکرێت لە سەر دابینکردنی غاز بۆ وێستگەی کارەباکانی بەغدا.