پەرلەمانتارێکی گۆڕان لە پەرلەمانی کوردستان بە یەکێتی دەڵێت" فێری پاڕانه‌وه‌ نین، سه‌رۆکی په‌رله‌مان وه‌رده‌گرن وه‌ریگرن، ته‌سلیمی پارتیش ده‌بن ڕێگای هه‌ولێرو دێگه‌ڵه‌ کراوه‌یه‌".

 لەنووسینێکدا لە هەژماری تایبەتی خۆی بەناونیشانی " قسەیەک بۆ یەکێتی"، عەلی حەمە ساڵح نووسیوویەتی " ئه‌م شه‌و به‌شێک له‌ ئه‌ندامانی سه‌رکردایه‌تی یه‌کێتی ،ده‌یانوت: ئێمه‌ ته‌ره‌ف نابین له‌ کێشه‌ی گۆڕان و یه‌کێتی. به‌شێکی دیکه‌ ده‌یوت: ناوبژی گۆڕان و پارتی ده‌که‌ین. به‌شێکیان وه‌ک منه‌ت ده‌یوت، پارتی سه‌رۆکی په‌رله‌مانی پێداین وه‌رماننه‌گرت!!! ئه‌ی بۆ سه‌رۆکی هه‌رێم یان حکومه‌ت یان ڕاوێژکاری ئه‌نجومه‌نی ئاسایش یان نه‌وت و په‌یوه‌ندی ده‌ره‌وه‌ی پێنه‌دان".

ئەو پەرلەمانتارە دەڵێت" کێشه‌ی ئێمه‌ له‌گه‌ڵ پارتی له‌سه‌ر یاسای سه‌رۆکایه‌تی هه‌رێمه‌، نه‌ک پۆست و پاره‌و نه‌وت.

ئه‌رێ براده‌ران، ئێوه‌ وه‌ک ئێمه‌ پرۆژه‌ یاساتان بۆ هه‌مواری یاسای سه‌رۆکایه‌تی هه‌رێم پێشکه‌ش نه‌کرد(له‌ بری یه‌ک،دوان) و پارتی نه‌یخسته‌‌ ژێرپێیی، خێره‌ ئێستا ناوبژیوانن!!".

ناوبراو نووسیوویەتی " ده‌زانن هه‌ر براده‌رانی ئێوه‌بوو به‌ سه‌رۆکی په‌رله‌مانیان ده‌وت: دانیشتن دوابخه‌ی کۆنگره‌ی ڕۆژنامه‌وانیت له‌سه‌ر ده‌که‌م. ئه‌ی ئێستا!".

ئەو ئاشکرای دەکات" به‌رپرسانی پارتی، ده‌هاتنه‌ لای ئێمه‌و ده‌یانوت: ئه‌مه‌ شه‌ڕی ئێوه‌ نییه‌، شه‌ڕی جه‌لالی و مه‌لاییه‌و تکایه‌ مه‌بنه‌ ته‌ره‌ف، ئێمه‌ش ده‌مانوت باوه‌ڕمان به‌و شه‌ڕه‌ نییه‌و ئه‌مه‌ی ده‌یکه‌ین ته‌نیا بابه‌تێکی یاساییه‌".

عەلی حەمە ساڵح دەڵێت: تکایه‌ منه‌تمان به‌سه‌ردا مه‌که‌ن و ناوبژیوانیشمان ناوێت، ئه‌وه‌ مه‌بده‌ئمان بووه‌ کردوومانه‌.

فێری پاڕانه‌وه‌ نین، سه‌رۆکی په‌رله‌مان وه‌رده‌گرن وه‌ریگرن، ته‌سلیمی پارتیش ده‌بن ڕێگای هه‌ولێرو دێگه‌ڵه‌ کراوه‌یه"‌.