وتەبێژی حکومەتی هەرێمی کوردستان رایگەیاند، هەڵکوتانە سەر کۆمپانیای نەوتی باکوور رەفتارێکی ئیستفزازیەو نا مەسئولانەیە.
سەفین دزەیی، وتەبێژی حکومەتی هەرێمی کوردستان بە رووداوی راگەیاند " ئەو هەڵکوتانەی ئەمڕۆ کرایە سەر کۆمپانیای نەوتی باکوور لە کەرکووک، رەفتارێکی نامەسئولانەی لۆکاڵی و ئیستیفزازی بوو، هیچ پێویست نەبوو ئەو رەفتارە نامەسئولانەیە ئەنجامبدرێ".
سەفین دزەیی ل درێژەی لێدوانەکەیدا دەڵێت: "نەوتی کەرکووک بەپێی رێککەوتنێکی نێوان بەغدا و هەولێر بە بەشداریی ئیدارەی کەرکووک بەڕێوە دەبرێ، لەبەر ئەوە ئەو رەفتارە کارێکی نامەسئولانە و نایاساییە، هیوادارین رەفتاری لەوجۆرە بەهیچ جۆرێک دووبارە نەبێتەوە".
بەیانی ئەمڕۆ ٢/٢ هێزێکی یەکێتی نیشتمانی کوردستان چونە سەر نەوتی باکور لە کەرکوک کۆنترۆڵیان کرد، ئەم کارەش دەنگدانەوە و پەرچە کرداری زۆری لێ کەوتەوە.