ئەبراهام پۆینچیڤاڵ، هونەرمەندی ناسراوی فەڕەنسی بڕیاریدا لە سەر 10 هێلكە كڕ بكەوێت و لە ماوەی نزیكی سێ هەفتەدا تەنها یەك دانەیانی هەڵهێناوە.
ئەبراهام ئەم كارەشی لەناو مۆزەخانەیەكی شاری پاریسدا لە ناو خانوویەكی شووشەیدا ئەنجامداوە و لە ماوەی شەو و رۆژێكدا تەنها یەكجار بۆی هەیە لە سەر هێلكەكان هەڵبستێت.
ئەو هونەرمەندە فەڕەنسیە تەمەنی 44 ساڵە و خاوەنی دوو منداڵە، كڕكەوتنەكەی لە ڕێگەی یوتیوبەوە پەخش دەكات.
ئەبراهام یەكەم كاری لەو شێوەیەی نیە و پێشتریش ماوەی دوو هەفتە لە پێستی وورچێكدا ژیاوە، هەروەها دوو جاری تر جارێك لە ناو بتڵێكدا و جارێكیش لە ناو بەردێكی گەورەدا بۆ ماوەیەك ژیاوە.