بڕیارە شەوی داهاتوو لویس ئینریکی راهێنەری بەرشەلۆنە کۆتا یاری خۆی لە یاریگای کامپ نۆ وەک راهێنەری بەرشەلۆنە بەرامبەر بە یانەی ئیبار لە خولی ئیسپانیا ئەنجام بدات و یانەی بەرشەلۆنەش دەیەوێت ریز لەو راهێنەرە بگرێت و لە لایەن ئامادەبوونی هاندەرانی یاریگاوە تیفۆی بۆ بکرێت و رێزی لێبنرێت کە لە ماوەی ئەم سێ ساڵەدا خزمەتی یانەکەی کردووە.

ئەمرۆش ئینریکی لە کۆنگرەی رۆژنامەوانیدا رایگەیاند کە رۆژێکی تایبەت دەبێت بۆ من بۆ وەرزی داهاتووش هەر هاندەری بەرشەلۆنە دەبم و ئەو یانەیە لە دڵمدا دەرناچێت.