وەزارەتی دارایی و ئابوری حكومەتی هەرێم لەبارەی موچەوەی مانگی نیسانەوە ڕاگەیەندراوێكی بڵاوكردەوە و داوا دەكات فەرمانگەكان بەزووترین كات لیستی موچە ڕەوانەی گەنجینەكان بكەن.
لە ڕاگەیەندراوێكدا كە وێنەیەكی دەست "سپی" كەوتووە وەزارەتی دارایی و ئابووری حكومەتی هەرێم داوا لە سەرجەم فەرمانگە و دام و دەزگاكانی و وەزارەتەكانی حكومەتی هەرێم دەكات بەزووترین كات لیستی موچەی مانگی نیسان ڕەوانەی بەڕێوەبەرایەتی گەنجینەكان بكەن، بە مەبەستی وردبینی كردن و ئامادەكردنیان.
ئەمەش لەكاتێكدایە كە ئەمڕۆ 31ی ئایار، موچەی مانگی 3ی ساڵی 2017 بە دابەشكردنی موچەی وەزارەتەكانی (داد، ئەنجومەنی دادوەری، سەرۆكایەتی ھەرێم، سەرۆكایەتی پەرلەمان، سەرۆكایەتی ئەنجومەنی وەزیران، بەڕێوەبەرایەتی ڕاگەیاندن و پەیوەندیەكان) كۆتایی بە دابەشكردنی موچەی مانگی ئازار دێت.