ئێران لەسەر بەردانەوەی ئاوی زێی بچوك بڕیارێكی دەركرد
بەوتەی بەرپرسی پەیوەندییەكانی هەرێمی كوردستانو ئێران، تاران بۆ ماوەی ساڵێك ئاوی زێی بچووك بەرسەر هەرێمی كوردستان دەگرێتەوەو بڕیاریداوە بەشێك لە ئاوەكە بەربداتەوە.
بەرپرسی پەیوەندییەکانی ھەرێم و ئێران، وای به ماڵپەری فەرمیی پارتی دیموکراتی کوردستانی راگەیاند، كه وڵاتی ئێران بەنداوێکی دروست کردووە، بۆ پڕكردنیشی له ئاو، ئاوی زێی بچووکی گرتووهتەوە و ماوەی ساڵێکیش دەخایەنێت، بەڵام بڕیارە بەشێک لەو ئاوە بەربداتەوە تاوەکو بەنداوەکە پڕ دەبێت و، کێشەش بۆ خەڵکی ھەرێمی کوردستان دروست نەبێت.
(عەبدوڵڵا ئاکرەیی) دهڵێ، جگە لەوەش بڕیارە ھەرێمی کوردستان و ئێران گفتوگۆ لەوبارەیەوە بکەن و ئەو کێشەیە چارە بکەن.
AM:11:36:01/07/2017