ئەمڕۆ لە پیرمام بە سەرۆکایەتی بارزانی، ئەنجومەنی باڵای
ڕفراندۆم بۆ تاوتوێکردنی دواین ڕێکارەکانی ئەنجامدانی ڕیفراندۆم کۆدەبنەوە.
بە گوێرەی زانیارییەکان کۆبوونەوەکە بە سەرۆکایەتی بارزانی
دەبێت و تاوتوێی دانانی ئەو ئەندامانەی لیژنانە دەکرێت کە بۆ پرسی ڕیفراندۆم
بڕیارە سەردانی بەغدا و وڵاتانی دراوسێ و جیهان بکەن.
ئەنجومەنی باڵای
ڕیفراندۆم کە تا ئێستا گۆڕان و کۆمەڵ بەشدارییان تێدا نەکردووە، ڕۆژى ٨ ئەم مانگە
یەکەم کۆبوونەوەى بە سەرپەرشتی بارزانی ئەنجامدا و تیایدا بڕیاردرا چەند کۆمیتەیەک
بۆ سەردانی ئەوروپا و وڵاتانی دراوسێ و بەغدا دیاری بکرێت.
هاوکات دوێنێ ٣٠ تەمووزیش ئەنجومەنی باڵای ڕیفراندۆم
کۆبوونەوەی دووەمی خۆی کرد و بڕیاردرا بە کاراکردنەوەی پەرلەمانی کوردستان لە دوو
هەفتەی ئایندەدا.