لە شاری سلێمانی بۆ یەکەمجار لەسەر ئاستی عێراق پرۆژەی
وێستگەی تەکسی تێدا دادەنرێت و لە مانگی ١٠دا تیروپشکی بۆ ئەنجامدەدرێت.
سدیق محەمەد بەڕێوەبەری گواستنەوەی پارێزگای سلێمانی لەو
بارەیەوە ڕایگەیاند " لەپرۆژەیاندایە لەئایندەیەكی نزیكدا سیستمی ویستگەی
تەكسی لەپێناو كارئاسانی بۆ گواستنەوەی هاوڵاتیان بكەنەوە".
وتیشی" بڕیاروایە
لەمانگی 10ی ئەمساڵیشدا هێڵی گواستنەوە لەرێگەی تیروپشكەوە بەسەر شۆفێرانی دەرەوە
و ناوەوەی شاردا بەپێی رێنماییەكانی وەزارەت دابەش بكرێت.
ڕوونیشی کردووەتەوە
"بەپێی پرۆژەكە هەموو گەڕەكێك ژمارەیەك تەكسی بۆ دادەنێـرێت و چەند ژمارە
موبایلێكیش دابەش دەكرێت بەسەر گەڕەكەكاندا و هەركات هاوڵاتیان پێویستیان بە تەكسی
هەبوو لە ڕێگەی ئەو ژمارانەوە تەكسی داوا دەكەن، جەختیشكردەوە، هەر تەكسییەك و
لۆگۆی ئەو گەڕەكەی بۆ لێدەدرێت كە بۆی دیاریكراوە".