یاسین محه‌مه‌د به‌ڕێوه‌به‌ری‌ ڕێكخستنی‌ پسوڵه‌ی‌ خۆراك له‌سلێمانی‌ له‌لێدوانێكدا بە تۆڕی هەواڵی سلێمانی وتووە ڕاگه‌یاند، "پسوڵه‌ی‌ نوێی خۆراك به‌سه‌ر ته‌واوی‌ پارێزگاكانی‌ عیراقدا دابه‌شكراوه‌و ته‌نها هه‌رێمی‌ كوردستان و پارێزگاكانی‌ (كه‌ركوك و موسڵ) ماون پێیانبدرێت".

ڕوونیشی کردووەتەوە "لیستی‌ ناوی هاوڵاتیانمان ڕه‌وانه‌ی‌ به‌غدا كردوه‌و چاوه‌ڕوانده‌كرێت دوای‌ جه‌ژن له‌ماوه‌ی‌ 10 بۆ 15 ڕۆژدا به‌ده‌ستمان بگات و به‌سه‌ر هاولاتیاندا هاوشێوه‌ی‌ پارێزگاكانی‌ دیكه‌ی عیراق ئه‌و پسوڵه‌ نوێیه‌ دابه‌شبكه‌ین".