مەکتەبی سیاسی یەکێتی کۆبووەوە و ڕایگەیاند، بەزووترین کات سەرکردایەتی هاوبەشی یەکێتی و گۆڕان کۆدەبنەوە بۆ چارەسەرکردنی کێشەکان و یەکێتی سوورە لەسەر ئەوەی پێش ڕیفراندۆم پەرلەمان کارا بکرێتەوە.

نیوەڕۆی رۆژی چوارشەممە 23-8-2017، لە هەولێر بە سەرپەرشتی کۆسرەت رەسول، جێگری یەکەمی سکرتێری گشتی یەکێتی نیشتمانی کوردستان مه‌كته‌بی سیاسی یه‌كێتی كۆبوونه‌وه‌ی ئاسایی خۆی ئه‌نجامدا.

بەگوێرەی ڕاگەیەندراوی کۆبوونەوەکە، یەکێتی سێ بڕیاری دەکردووە کە ئەمانەن:

یه‌كه‌م: یه‌كێتی نیشتمانی كوردستان سووره‌ له‌سه‌ر كاراكردنه‌وه‌ی په‌رله‌مانی كوردستان به‌ر له‌ ئه‌نجامدانی ریفراندۆم.

دووه‌م: سه‌ركرایه‌تی هاوبه‌شی یه‌كێتی نیشتمانی كوردستان و بزووتنه‌وه‌ی گۆڕان به‌زووترین كات كۆده‌بنه‌وه‌ و هه‌وڵێكی دیکەی نیشتمانی ده‌درێت بۆ چاره‌سه‌ری كێشه‌كان و دۆزینه‌وه‌ی رێگاچاره‌ی گونجاو.

سێیه‌م: ریفراندۆم و مافی چاره‌ی خۆنووسین مافێكی سرووشتی و دیموكراسی و نه‌ته‌وه‌یی گه‌له‌كه‌مانه‌ و له‌ كۆبوونه‌وه‌كه‌دا هه‌موو ئه‌گه‌ره‌كانی ئه‌نجامدان و كاردانه‌وه‌كان و مه‌ترسییه‌كان گفتوگۆی به‌رپرسیارانه‌ی له‌باره‌وه‌ كرا.