فیلمی ئەنیمەیشنى کوردى (بێدەنگى ئاسمان) لەدەرهێنانى جوبرائیل ئەبوبەکر لەفێستیڤاڵێکى سینەمایى نێودەوڵەتى لەوڵاتى مەکسیک بەشدارى پێشبڕکێى سەرەکى دەکات و کێبڕکێى بردنەوەى خەڵات دەکات.
دەرهێنەر جوبرائیل ئەبوبەکر لەبارەى بەشدارى فیلمەکەى لەو فێستیڤاڵەدا رایگەیاند "فیلمەکە بەشدارى لە فێستیڤاڵى سینەمایى نێودەوڵەتى تیخوانا لەوڵاتى مەکسیک دەکات و کێبڕکێى بردنەوەى خەڵات دەکات".
وتیشى "فێستیڤاڵەکە لە 28 بۆ 30ى ئەیلولى 2017 لەوڵاتى مەکسیک ئەنجام دەدرێت".
(بێدەنگى ئاسمان) نوێترین بەرهەمى سینەمایى دەرهێنەر جوبرائیل ئەبوبەکرە و بەسپۆنسەرى عەباس فازڵ عەبدولرەحمان خاوەنى زانکۆى نۆلج بەرهەمهێنراوە و لەماوەى تەنها 3مانگدا بەشدارى 25 فێستیڤاڵى سینەمایى جیهانى، کردوە و چەند خەڵاتێکیشى پێبەخشراوە.
سیناریۆى فیلمەکە پشتیوان عەبدوڵا نوسیویەتى و کارى گرافیک و دەنگ لەلایەن سەباح شادىء کارى موزیکى فیلمەکەش رامتین لهۆنى جێبەجێى کردوە، ماوەى فیلمەکە 100 چرکەیە و بەرهەمى ساڵى 2017-یە.