بەڕێوەبەری
خۆپارێزی تەندروستی سلێمانی، لەبارەی خواردنی ئیندۆمییەوە هۆشداری دەدات
د. ڕزگار ئەحمەد، بەڕێوەبەری خۆپارێزی تەندروستی سلێمانی
ڕایگەیاندووە: ئیندۆمی بەهۆی بوونی مادەی كاربۆهیدرات لە پێكاتەكەیدا، دەبێتە هۆی
زیادبوونی چەوری لە لەشی مرۆڤ، خواردنیشی لەلایەن منداڵانەوە زیانی زۆری هەیە.
ڕوونیشی کردووەتەوە: تائێستا هیچ نوسراوێكمان لەلایەن
وەزارەتی تەندروستی عیراق و هەرێمی كوردستانەوە بۆ ڕەوانە نەكراوە، كە ئاماژە
بەقەدەغەكردنی ئەو جۆرە خواردهمەنییە بكات، بۆیە لەبازاڕەكاندا بەشێوەیەكی ئاسایی
دەفرۆشرێت و بەهیچ جۆرێكیش قەدەغە نەكراوە.
هەروەها، سۆران عەبدولغەفور سەرۆكی چاودێری بازرگانی
سلێمانی وتویەتی: تا ئێستا پشكنین بۆ ئیندۆمی كراوەو چەندین جۆرمان ڕەوانەی پشكنین
كردووەو هیچ كێشەیەكی نەبووە، تا بە فەرمیش ئاگادار نەكرێینەوە، ناتوانین
لەبازاڕەكاندا قەدەغەی بكەین و ڕێگە بەفرۆشتنی نەدەین.