بەرهەم ساڵح ئاشکرایدەکات، کۆمسیۆنی هەڵبژاردنەکان قەوارەکەی پەسەند کردووە وێنەی لۆگۆی قەوارەکەشی بڵاوکردووەتەوە.
لە پێگەی خۆی لە تۆڕی کۆمەڵایەتی تویتەر بەرهەم ساڵح نووسیویەتی "کۆمیسیۆنی هەڵبژاردنەکان تۆماری (هاوپەیمانی بۆ دیمکراسی و دادپەروەری) پەسەندکرد.
نوسیویشیەتی "بەهیوای بەدیهێنانی حوکمڕانی باش و دادپەروەر بۆ خزمەتی هاوڵاتیان".
ڕۆژی ١٦ ی ئەم مانگە کەریم بەحری، نوێنەری یاسایی قەوارەی هاوپەیمانی بۆ دیموکراسی و دادپەروەری لە کۆنفرانسێکدا ڕایگەیاند، بەرهەم ساڵح جێگری دووەمی سکرتێری گشتی یەکێتی نیشتیمانی کوردستان قەوارەیەکی نوێی بۆ هەڵبژاردنەکان تۆمارکردووە.
بڕیارە لە ڕۆژی ١ى تشرینی دووەمی ئەمساڵدا هەڵبژاردنەکانی خولی پێنجەمی پەرلەمانی کوردستان و سەرۆکی هەرێم ئەنجام بدرێت.