سه‌رله‌به‌یانی ئه‌مڕۆ 25-9-2017، قوباد تاڵه‌بانی جێگری سه‌رۆكی حكومه‌تی هه‌رێمی كوردستان له‌بنكه‌یه‌كی ده‌نگدان له‌ خوێندنگای ره‌وشه‌ن به‌درخان له‌ شاری سلێمانی، ده‌نگیدا.

له‌دوای ده‌نگدانی قوباد تاڵه‌بانی جێگری سه‌رۆكی حكومه‌ت رایگه‌یاند: پیرۆزبایی ئه‌م رۆژه‌ مێژووییه‌ له‌ هه‌موو خه‌ڵكی كوردستان و كه‌سوكاری شه‌هیدان و پێشمه‌رگه‌ قاره‌مانه‌كان ده‌كه‌م و هیواداریم سه‌رجه‌میان به‌ دڵێكی خۆش و به‌بێ ترس و دڵه‌ڕوكێ بچنه‌ سه‌ر سندوقه‌كانی ده‌نگدان و ده‌نگی خۆیان بده‌ن و چاره‌نووسی وڵاته‌كه‌یان دیاری بكه‌ن.

وتیشی: ئه‌مه‌ راپرسییه‌كه‌ بۆ ئه‌وه‌ی ئه‌وه‌ بڵێین كه‌ خه‌ڵكی كوردستان سه‌ربه‌خۆیی ده‌وێت و ده‌یه‌وێت وه‌ك مافێكی ره‌وای خۆی مافی چاره‌ی خۆنووسینی خۆی دیاری بكات.