کۆمسیۆنی هەڵبژاردنەکانی هەرێم ڕایگەیاند، بەهۆی درەنگ تۆمارکردنی ناوییەوە، کاندیدکردنی حەمە تۆفیق ڕەحیم بۆ سەرۆکی هەرێم قبوڵ نەکراوە.

ئیسماعیل خورماڵی  بڕیاردەری کۆمسیۆنی باڵای سەربەخۆی هەڵبژاردن و ڕاپرسی هەرێم بە كەناڵی ئێن ئاڕ تی ڕاگەیاندوە " بەهۆی ئەوەی کاتەکەی درەنگ بووە، خۆ کاندید کردنی حەمە تۆفیق ڕەحیم قبوڵ نەکراوە لەلایەن کۆمسیۆنەوە".

وتیشی "لە ئێستادا کۆمسیۆن  داواکە و قبوڵ نەکردنەکەی ناردووە بۆ ئەنجومەنی شورا و پەرلەمانی کوردستان بۆ ئەوەی بڕیاری تەواوەتی لە سەر پرسەکە بدەن".
وا بڕیارە ڕۆژی ١ی مانگی ١١ هەڵبژاردن لە هەرێمی کوردستان بۆ پەرلەمان و سەرۆکایەتی هەرێم بە ڕێوەبچێت و تا ئێستاش کاتی دەستپێکردنی بانگەشەکان دیار نیە.