دەستەی سەربەخۆی مافی مرۆڤ ڕایگەیاند، تاوانه‌كانی حه‌شدی شه‌عبی به‌رامبه‌ر هاوڵاتیانی كه‌ركوك و دوزخورماتو تاوانی جەنگین.

لە ڕاگەیەندراوێکدا دەستەی سەربەخۆی مافی مرۆڤ ڕایگەیاند، دوای ڕوداوه‌كانی ١٦ی تشرینی یەکەمی ٢٠١٧ ی كه‌ركوك و دوزخورماتوو، حه‌شدی شه‌عبی له‌ناوچه‌كانی دووزخورماتو ده‌یان پێشیلكاری و تاوانیان به‌رامبه‌ر هاوڵاتیانی ئه‌و ناوچانه‌ ئه‌نجام داوه‌ به‌هۆی جیاوازی نه‌ته‌وه‌یی و تائیفی و مه‌زهه‌بی.

ئەوەشی وتووە "ئه‌و تاوانانه‌ی حه‌شدی شه‌عبی له‌كاتێكدایه‌ كه‌ ئه‌و هێزه‌ له‌لیستی شه‌رمنی نه‌ته‌وه‌ یه‌كگرتوه‌كان هه‌ژماركراوه‌و به‌شێك له‌و تاوانانه‌ش به‌هاوكاری هێزه‌كانی سوپای عێراق و ته‌نانه‌ت به‌به‌رچاوی هێزه‌ ئه‌منیه‌كانی عێراقه‌وه‌‌ ئه‌نجام ده‌ده‌ن، به‌شێك له‌وتاوانانه‌ش ده‌چێته‌ چوارچیوه‌ی تاوانه‌كانی جه‌نگ."

هەروەها دەشڵێت ئیدانه‌ی ئه‌و تاوان و پێشیلكاریانه‌ ده‌كه‌ن كه‌ له‌لایه‌ن حەشدەوە یه‌وه‌ به‌رامبه‌ر هاوڵاتیانی مه‌ده‌نی و به‌تایبه‌ت ژن و منداڵان ده‌كرێت له‌هه‌مان كات نیگه‌رانی خۆمان ده‌رده‌بڕین به‌رامبه‌ر بێ ده‌نگی و چاوپۆشینی حكومه‌تی عێراق و لیژنه‌ی مافی مرۆڤی ئه‌نجومه‌نی نوێنه‌ران.