ئهفسهرێكی فیرقهی 16ی سوپای عیراق ئاشکرایکرد پێشمەرگە و سوپای عێراق رێككهوتن لهسهر ھێوركردنهوهی رهوشی ناحیهی زوممار و راگرتنی شهڕ و پێكدادان له ناوچهكه".
رائید كازم حوسێن موسهوی، ئهفسهر له فیرقهی 16ی سوپای عێراق بە ئاژانسی ئهنادۆڵی ڕاگەیاند "شهڕ و پێكدادانی نێوان پێشمهرگه و هێزه عیراقییهكان له ناحیهی زومماری باكووری رۆژئاوای پارێزگای نهینهوا به شێوهیهكی كاتی راگیراوه".
موسهوی ئاماژەی بەوەشداوە "راگرتنی شهڕ و پێكدادانهكه دوای ئهوه هات كه پێشمهرگه و هێزه عیراقییهكان له سهر ھێوركردنهوهی رهوشی ناوچهكه رێككهوتن".
ڕاشیگەیاندوە وهفدێكی حكومهتی عیراق گهیشتووهته زوممار و له ئێستادا لهگهڵ فهرماندهكانی پێشمهرگه له دانوستاندان له پێناو دووباره بڵاوبوونهوهی هێزه عیراقییهكان له ناوچهكانی باكووری زوممار تا دهگاته دهروازهی فیشخابور كه دهكهونه چوارچێوهی ناوچه جێناكۆكان.
ئەوەش لە کاتێکدایە ئەنجومەنی ئاسایشی هەرێمی کوردستان لە هەژماری تایبەتی خۆی لە تویتەر، ڕایگەیاند "هێزە عێراقییەکان و حەشدی شەعبی کە ئێران پشتیوانییان دەکات لە میحوەرى زومار هێرشیان کردووەتە سەر پێشمەرگە، بەڵام لە هێرشەکەدا پێشمەرگە سێ تانک و شەش هامەر و باجەریان لە ناوبردووە".
هەروەها داواش لە کۆمەڵگەی نێودەوڵەتی دەکات کە بەپەلە دەستێوەردان بکات و کۆتایی بەم ڕەفتارانەى عێراق بهێنێت کە ئەنجومەنى ئاسایش بە رەفتارى سەرشێتانە ناوی هیناوە.
ڕۆژی ٢٤ی ئەم مانگە شەڕ و ڕووبەڕوبونەوە لە نێوان پێشمەرگە و هێزە عێراقیەکان لە مەخمور و ناوچەی مەحمودیە ڕوویدا کە بەهۆیەوە ١٥ سەربازی عێراقی بە دیلگیراون و ژمارەیەک هامەرییش تێکشکێران و ژمارەیەک سەربازیش كوژراون و برینداربوون.